माडखोल धवडकी येथे रस्त्यावर पाणी,आंबोली सावंतवाडी राज्यमार्ग बंद

सावंतवाडी, ता.७ : माडखोल धवडकी येथे रस्त्यावर पाणी आल्यामुळे आंबोली-सावंतवाडी राज्य मार्ग पुन्हा एकदा बंद झाला आहे. त्यामुळे दोन्ही बाजूने वाहतूक खोळंबली आहे.
याबाबतची माहिती सावंतवाडी तहसीलदार राजाराम म्हात्रे यांनी दिली. लोकांनी व प्रवाशांनी आपल्या सुरक्षिततेची काळजी घ्यावी असे त्यांनी आवाहन केले आहे.आंबोली घाट कोसळल्यामुळे काल तब्बल तीस तास वाहतूक बंद होती. मात्र आज सायंकाळी झालेल्या पावसामुळे पुन्हा हा राज्यमार्ग बंद झाला आहे.