रुपेश राऊळ, बाळा गावडे, विक्रांत सावंतांच्या निवासस्थानी घेतले गणेश दर्शन…
सावंतवाडी ता.२१: शिवसेना नेते तथा युवासेना प्रमुख आदित्य ठाकरे यांनी आज तालुकाप्रमुख रुपेश राऊळ यांच्यासह सावंतवाडी विधानसभा मतदारसंघ प्रमुख विक्रांत सावंत व शिवसेना समन्वयक बाळा गावडे यांच्या निवासस्थानी जाऊन श्री गणेशाचे दर्शन घेतले.
यावेळी काँग्रेसचे ज्येष्ठ नेते विकास सावंत व रूपेश राऊळ यांच्या हस्ते श्री ठाकरे यांचे स्वागत करण्यात आले. सावंतवाडी दौऱ्यावर असलेल्या श्री ठाकरे यांनी आज आपल्या कार्यकर्त्यांसह पदाधिकाऱ्यांच्या निवासस्थानी जाऊन गणरायाचे दर्शन घेतले.
ठाकरे यांच्या सिंधुदुर्ग जिल्हा गणेश दर्शन दौऱ्यात त्यांनी शिवसेना सावंतवाडी तालुकाप्रमुख रूपेश राऊळ यांच्या नेमळे देऊळवाडी येथील निवासस्थानी विराजमान श्री गणरायाचे दर्शन घेतले.
यावेळी नेमळे गावाच्या वतीने ठाकरे यांचे झेंडूच्या फुलांचा भलामोठा हार घालून स्वागत करण्यात आले. तालुकाप्रमुख रुपेश राऊळ यांच्या हस्ते आमदार ठाकरे यांचे शाल श्रीफळ व भेटवस्तू देऊन सन्मानित करण्यात आले.यावेळी त्यांच्यासमवेत खासदार विनायक राऊत, जिल्हाप्रमुख संजय पडते, संदेश पारकर, रूपेश राऊळ यांंचे वडील गुरूनाथ राऊळ,आई वंदना राऊळ,भाऊ तूषार राऊळ, सौ.श्रेया राऊळ, सरपंच दिपाली बेहरे,उपसरपंच सखाराम राऊळ,शीतल नानोस्कर,स्नेहाली राऊळ,आरती राऊळ,संज्योता नेमळेकर, जिल्हा समन्वयक रुची राऊत गीतेश राऊत, सावंतवाडी विधानसभा संपर्कप्रमुख शैलेश परब,युवासेना तालुका समन्वयक गुणाजी गावडे, विभागप्रमुख सुनील गावडे,बाळा राऊळ,शाखाप्रमुख सचिन मुळीक, रविंद्र घोगळे, रमाकांत राऊळ, शिवदत्त घोगळे, मेघश्याम काजरेकर, अशोक सावंत आदी पदाधिकारी व शिवसैनिक उपस्थित होते.
त्यानंतर त्यांनी सावंतवाडी विधानसभा मतदारसंघ प्रमुख विक्रांत सावंत यांच्या माजगाव येथील निवासस्थानी गणेशदर्शन घेतले. यावेळी आमदार वैभव नाईक,काँग्रेस पक्षाचे माजी जिल्हाध्यक्ष विकासभाई सावंत,अण्णा सावंत, युवासेना उपजिल्हाधिकारी सागर नाणोसकर, माजी सरपंच दिनेश सावंत, कु.कबीर सावंत, शितल राऊळ, वामन गाड, अमोल राऊळ, श्याम कळंगुटकर, संजय तुळसकर, अशोक चव्हाण, राजन राऊळ आदी उपस्थित होते.
यावेळी सावंत कुटुंबीयांकडून त्यांना छत्रपती शिवाजी महाराज यांच्या शिवराज्याभिषेक सोहळ्याचे तैलचित्र आमदार ठाकरे यांना भेट देण्यात आले. यावेळी जिल्हा काँग्रेस पक्षाचे माजी अध्यक्ष विकास सावंत यांच्या हस्ते त्यांचा शाल श्रीफळ व भेटवस्तू देऊन सत्कार करण्यात आला.त्यानंतर त्यांनी इन्सुली येथे जिल्हा समन्वयक चंद्रकांत उर्फ बाळा गावडे यांच्या निवासस्थानी गणेश मूर्तीचे दर्शन घेतले. यावेळी अॅड कौस्तुभ गावडे यांना केक कापून वाढदिवसाच्या शुभेच्छा ही दिल्या. दरम्यान माजगाव येथील माजी उपसरपंच आबा सावंत आणि उपजिल्हाप्रमुख चंद्रकांत कासार यांच्या निवासस्थानी आपण गणपतीच्या दर्शनाला वेळेअभावी पोहचू शकलो नाही. याबद्दल त्यांनी चंद्रकांत कासार यांना फोन करून दिलगिरी व्यक्त केली. पुढील वर्षी सर्वप्रथम आपल्या घरी गणपती दर्शनासाठी येऊ अशी आश्वासनही दिले.
