मनसेचे पदवीधर मतदार संघाचे उमेदवार अभिजीत पानसे उद्या सिंधुदुर्गात…

सावंतवाडी,ता.३१: मनसेचे कोकण पदवीधर मतदार संघाचे उमेदवार अभिजीत पानसे उद्या ता १ जून ला सिंधुदुर्ग जिल्ह्याच्या दौऱ्यावर येत आहेत. त्यांच्या समवेत नेते शिरीष सावंत, अविनाश जाधव, संदीप दळवी व गजानन राणे आदी उपस्थित राहणार आहेत. सकाळी ११ वाजता कणकवली विधानसभा व कुडाळ विधानसभा मतदार संघाची एकत्रित बैठक हॉटेल हॉर्नबिल बीकेजी रोड सारस्वत बॅंक एटीम समोर बाजारपेठ कणकवली येथे व सावंतवाडी विधानसभा मतदार संघाची बैठक दुपारी ३ वाजता हॉटेल शिल्पग्राम सावंतवाडी येथे आयोजीत करण्यात आलेली आहे. तरी महाराष्ट्र नवनिर्माण सेनेच्या जिल्ह्यातील सर्व पदाधिकारी, सर्व अंगीकृत संघटनांचे पदाधिकारी, माजी पदाधिकारी व महाराष्ट्र सैनिकांनी वेळेवर उपस्थित रहावे असे आवाहन अँड. अनिल केसरकर, जिल्हाध्यक्ष धिरज परब आदींनी केले आहे.