इन्सुली येथे दत्त जयंती निमित्त उद्या धार्मिक कार्यक्रम…

बांदा,ता.१३:श्री दत्तकृपा सांस्कृतिक कला, क्रीडा व व्यायाम मंडळ इन्सुली यांच्या वतीने श्री दत्त जयंती निमित्त दत्त मंदिर इन्सुली येथे विविध धार्मिक व सांस्कृतिक कार्यक्रमाचे आयोजन करण्यात आले आहे. यानिमित्ताने सकाळी नऊ वाजता दत्त पादुका पूजन व अभिषेक, सकाळी दहा वाजता श्री सत्यनारायण महापूजा, आरती दुपारी महाप्रसाद, सायंकाळी सात वाजता महाआरती, सायंकाळी ७.३० वाजता भजनाचा कार्यक्रम व रात्री ठीक १० वाजता जय हनुमान दशावतार नाट्य मंडळ आरोस दांडेली यांचा विंदय वासिनी विंदेश्वरी हा नाट्यप्रयोग होणार आहे. या उत्सवाचा भाविकांनी लाभ घ्यावा, असे आवाहन श्री दत्तकृपा सांस्कृतिक कला क्रीडा व व्यायाम मंडळ इन्सुलीच्या वतीने करण्यात आले आहे.