चोरी केल्याप्रकरणी सावंतवाडीतील एकाला जामीन…

सावंतवाडी,ता.१३: आयशर टिप्पर चोरी केल्याप्रकरणी सुनील मच्छिंद्र कोळेकर याला आज येथील न्यायालयाने २५ हजाराचा जामीन मंजूर केला आहे. याकामी ॲड. स्वप्नील कोलगावकर यांनी काम पाहिले. कोळेकर यांनी सावंतवाडीतील अभिषेक सावंत यांचा डंपर चोरून नेला होता. याबाबतची तक्रार दिल्यानंतर पोलिसांनी केलेल्या चौकशीत त्याचे नाव निष्पन्न झाले होते. हा तपास तब्बल आठ महिने चालला होता. त्यानंतर झालेल्या चौकशीत कोळेकर याचे नाव पुढे आले होते. त्यानंतर त्याच्यावर गुन्हा दाखल करून त्याला अटक करण्यात आली होती. त्यानंतर त्याला येथील न्यायालयात हजर करण्यात आले होते.