सीए परीक्षेत यश मिळवलेल्या भोगटे, वायंगणकर यांचे वैभव नाईक यांनी केले अभिनंदन… 

मालवण, ता. ८ : सीए परीक्षेत यश मिळवलेल्या तालुक्यातील कट्टा येथील गौतम दीपक भोगटे व शीतल उदय वायंगणकर यांची त्यांच्या निवासस्थानी भेट घेत माजी आमदार वैभव नाईक यांनी सत्कार करत अभिनंदन केले.

आपल्या यशातून कट्टा गावाच्या नावलौकिकात या विद्यार्थ्यांनी भर टाकली आहे. त्याबद्दल माजी आमदार वैभव नाईक यांनी दोन्ही विद्यार्थ्यांचे कौतुक केले. यावेळी शिवसेना विभाग प्रमुख शिवा भोजने, ग्रामपंचायत सदस्य बाबू टेंबुलकर, दर्शन म्हाडगुत, वंदेश ढोलम, शाखा प्रमुख बाबल गावडे, किशोर पेंडुरकर, अण्णा मोरजकर, जगू मोरजकर, संतोष म्हाडगूत, श्री. रेवडेकर यांच्यासह भोगटे आणि वायंगणकर कुटुंबीय उपस्थित होते.