कुणाल किनळेकर; आमदार निलेश राणेंकडे मागणी, मालवणातील “स्पॉट” पंचनाम्याचे कौतुक…
मालवण, ता.११: राजकीय आश्रय असलेल्या ठेकेदारांच्या माध्यमातून कुडाळ मालवण विधानसभा मतदार संघात गेल्या पाच वर्षात झालेल्या सर्वच कामाची झाडाझडती घ्यावी, अशी मागणी मनसेचे उपजिल्हाध्यक्ष कुणाल किनळेकर यांनी आमदार निलेश राणे यांच्याकडे केली आहे. दरम्यान श्री. राणे यांनी आमदार म्हणून मालवणात केलेल्या स्पॉट पंचनाम्याचे श्री. किनळेकर यांनी कौतुक केले आहे. तसेच मतदार संघातील अन्य कामाबाबत सुध्दा त्यांनी आढावा घ्यावा आणि कामाचा दर्जा तपासावा, अशी मागणी केली आहे.
श्री. किनळेकर यांनी याबाबत प्रसिध्दीपत्रक दिले आहे. यात त्यांनी मनसेच्या माध्यमातून आपली भूमिका मांडली आहे. यात त्यांनी असे म्हटले आहे की, महाराष्ट्र नवनिर्माण सेने मार्फत आपल्याकडे मागणी करत आहोत की गेल्या पाच वर्षातील विकास कामांचा आढावा घेत असताना जरी ते आपल्या जवळचे असले तरी आपण कुडाळ मालवणच्या जनतेशी प्रामाणिक राहून कडक कारवाई करावी. तसेच यासंदर्भात व अन्य विकासात्मक बाबींसाठी मनसे भविष्यात नेहमी आपल्या मार्फत पाठपुरावा करण्यासाठी प्रयत्नशील असेल.
