सावंतवाडी,ता.१८: रोणापाल-मडुरा येथील दक्षिणाभिमुखी श्री हनुमान मंदिर शिखर कलशारोहण आणि मुर्ती पुन:पतिष्ठापना सोहळा २५ एप्रिलला साजरा होणार आहे.
यानिमित्त २४ एप्रिलला सकाळी ८ वा. मंगलाचरण, प्रायश्चित्तविधी, देवता प्रार्थना, प्रधान संकल्प, महागणपतीपूजन, पुण्याहवाचन, आचार्यवरण, प्राकारशुध्दी, कंकण अभिमंत्रण, शांतीहोम, गणहोम, देवतास्थापन जलाधिवास, स्नानविधी, कुंडसंस्कार, अग्नीस्थापन, वास्तु, ग्रह व पर्याय होम देवता प्रार्थना, सायं. ७ वा. रामकृष्ण हरी संगीत गुरुकुल, तेंडोली, ता. कुडाळ यांचा गीतरामायण हा कार्यक्रम होणार आहे. २५ एप्रिलला सकाळी ८ वा. मंगलाचरण, शांतीपाठ, प्राकारशुध्दी, आवाहीत देवता पूजन, सकाळी ८.३० वा. श्री. प.पू.दत्तानंद सरस्वती स्वामी, दाभोली मठ यांच्या शुभहस्ते शिखर स्थापना, सकाळी ९ वा. मारुती मुर्तीची स्थापना, प्राणप्रतिष्ठा, स्वामींची पाद्यपूजा, महापूजा, तत्वहोम, पुजांगहोम, क्षेत्रपाल बलिदान, महापुर्णाहुती, दुपारी १२ वा. महानैवेद्य, आरती, मंत्रपुष्पांजली, प्रार्थना (गाऱ्हाणे), ब्राह्मणपूजन, आशिर्वाद, दुपारी १ वा. महाप्रसाद, सायं. ७ वा. जय संतोषीमाता दशावतार नाट्यमंडळ, मातोंड-पेंडूर, ता. वेंगुर्ला यांचा दशावतार नाट्यप्रयोग होणार आहे. तरी भाविकांनी याचा लाभ घ्यावा, असे आवाहन श्री हनुमान देवस्थान समिती, रोणापाल-मडुरा यांच्या वतीने करण्यात आले आहे.
