बांदा-प्राथमिक आरोग्य केंद्रात ६ रोजी मोफत आरोग्य तपासणी शिबिर…

104
2
Google search engine
Google search engine

जिल्हा परिषद,सिंधुदुर्ग व रुग्णकल्याण समिती यांचे आयोजन…

बांदा.ता,०३:
जिल्हा परिषद सिंधुदुर्ग व रुग्णकल्याण समिती बांदा यांच्यावतीने सोमवार दिनांक ६ रोजी येथील प्राथमिक आरोग्य केंद्रात मोफत आरोग्य तपासणी शिबिराचे आयोजन करण्यात आले आहे.
सकाळी १० ते दुपारी १ या वेळेत हे शिबीर संपन्न होणार आहे. या शिबिरात हृदयाचे विकार व तपासणी, स्त्रियांचे आजार व निदान, लहान मुलांचे आजार व इलाज, त्वचा विकार उपचार, रक्तातील साखरेची तपासणी, अस्थीरोग व सांध्याचे आजार तपासणी, डोळ्यांचे विकार व मोफत मोतीबिंदू शस्त्रक्रिया करण्यात येणार आहे.
यावेळी मोफत औषधांचे वाटपही करण्यात येणार आहे. जास्तीत जास्त रुग्णांनी या शिबिराचा लाभ घेण्याचे आवाहन सरपंच अक्रम खान यांनी केले आहे.