वारकरी सांप्रदाय कोकण दिंडी यांच्यावतीने मुख्यमंत्री सहायता निधीसाठी धनादेश सुपूर्त…

वैभववाडी.ता,१४:  कोरोनाच्या पार्श्वभूमीवर एकात्मता वारकरी सांप्रदाय कोकण दिंडी यांच्यावतीने मुख्यमंत्री सहाय्यता निधीसाठी ५ हजार रुपयांचा धनादेश वैभववाडी तहसिलदार रामदास झळके यांच्याकडे सपूर्द केला आहे.
एकात्मता वारकरी सांप्रदाय कोकण यांच्यावतीने दरवर्षी देवगड, फोंडा, वैभववाडी ते पंढरपूर अशी कार्तिकी पायीवारी केली जाते. सांप्रदायाच्यावतीने भजन, किर्तनाच्या माध्यमातून अध्यात्मिक प्रबोधन केले जाते. सध्या देशावर कोरोनाचे भयंकर संकट आले आहे. या संकटाचा सामना करण्यासाठी प्रत्येकाने योगदान दिले पाहीजे.
या सामाजिक जाणिवेच्या भावनेतून सांप्रदायाचे अध्यक्ष बाळकृष्ण जाधव, सचिव प्रकाश सुतार, अनिल पाळेकर, रविंद्र धुरी, संतोष भोवड, बाळकृष्ण कदम, भाई पटेल, या पदाधिका-यांनी विचारविनिमय करुन मुख्यमंत्री सहाय्यता निधीसाठी ५ हजार रु.धनादेश राजेश पडवळ यांच्या मार्फत तहसिलदार रामदास झळके यांच्याकडे सपूर्द केला. यावेळी नायब तहसिलदार ए. व्ही. नाईक, संजय शेळके उपस्थित होते.