आंघोळीसाठी गेलेल्या तरुणाचा नेतर्डे नदीत बुडून मृत्यू…

बांदा,ता.१९:  आंघोळीसाठी गेलेल्या तरुणाचा मृतदेह आज नेतर्डे – लिंगाचा मळा येथील नदीत आढळून आला. सुशांत हिरे गवस (३५) असे त्याचे नाव आहे. तो काल शनिवारी सायंकाळी नदीवर गेला होता.उशिरापर्यंत घरी न आल्याने स्थानिकांनी नदी परिसरात शोधाशोध केली. मात्र, तो आढळून आला नव्हता.आज सकाळी पुन्हा शोध घेतला असता, त्याचा मृतदेह नदीत तरंगताना आढळून आला.
बांदा पोलीसांना याबाबत माहिती दिल्यानंतर पोलीसांनी घटनास्थळी पाहणी करुन पंचनामा केला. मृतदेह शवविच्छेदनासाठी बांदा प्राथमिक आरोग्य केंद्रात आणण्यात आला आहे.याबाबतची फिर्याद काका अशोक नारायण गवस यांनी बांदा पोलीसांत दिली आहे. सुशांत हा विवाहित होता. अधिक तपास बांदा पोलीस करीत आहेत.