वैभववाडीत अतुल रावराणेंकडून शासकीय व खाजगी डॉक्टरांना पीपीई किटचे वाटप…

वैभववाडी ता.२२: शिवसेना नेते तथा भैरी भवानी प्रतिष्ठानचे अध्यक्ष अतुल रावराणे यांनी कोरोना विषाणूच्या पार्श्वभूमीवर स्व:खर्चाने जिल्ह्यातील सर्व शासकीय रुग्णालये व खाजगी रूग्णालयातील डॉक्टर्स, नर्सेस, वार्डबॉय यांना पीपीई किटचे वाटप केले. वैभववाडी येथील ग्रामीण रूग्णालयात शिवसेना तालुका प्रमुख मंगेश लोके यांच्या हस्ते डॉ. नवनाथ कांबळे, डॉ. उमेश पाटील यांच्याकडे सुपुर्द केले.
वैभववाडी तालुक्यातील शासकीय व खाजगी रुग्णालयातील डॉक्टर्स, नर्सेस, वॉर्डबॉय यांना सुरक्षाकवच म्हणून ७० पीपीई कीटचे वाटप वैभववाडी शिवसेना तालुका प्रमुख तथा पंचायत समिती सदस्य श्री. मंगेश लोके यांच्या हस्ते ग्रामीण रुग्णालयाचे डॉ. नवनाथ कांबळे व तालुका आरोग्य अधिकारी डॉ. उमेश पाटील यांच्याकडे सुपूर्द करण्यात आले. यावेळी जिल्हा बँक संचालक दिगंबर पाटील, माजी सभापती लक्ष्मण रावराणे, शिवसेना सहसंपर्क प्रमुख पंढरीनाथ तावडे, माजी सरपंच महेश रावराणे आदी उपस्थित होते.