सिंधुदुर्गातील “त्या” तिघांचेही तपासणी अहवाल निगेटिव्ह…

सिंधुदुर्गनगरी ता.२४: आयसोलेशन वाॅर्डमध्ये उपचार घेत असताना मृत्यू झालेल्या त्या तिघांचे तपासणी अहवाल निगेटिव्ह आले आहेत.याबाबतची माहिती जिल्हा प्रशासनाकडून देण्यात आली.त्यामुळे त्यांच्या मृत्यू नंतर निर्माण झालेल्या प्रश्नचिन्हांना अखेर पूर्णविराम मिळाला आहे.
जिल्हा रूग्णालयातील आयसोलेशन वाॅर्डमध्ये उपचार घेत असलेल्या दोघांचा आणि होम काॅरन्टाईन असलेल्या एका वृद्ध महिलेचे बुधवारी निधन झाले होते.त्यामुळे त्यांचे अहवाल पुणे येथे तपासणीसाठी पाठविण्यात आले होते.आज हा अहवाल प्राप्त झाला.दरम्यान आयसोलेशन वाॅर्डमध्ये आतापर्यंत मृत्यू झालेल्या चौघांचे आणि होम काॅरन्टाईन मध्ये मृत वृद्ध महिलेचे, असे एकूण पाचही जणांचे तपासणी अहवाल आता निगेटिव्ह आल्याने प्रशासनाने सुटकेचा निश्वास टाकला आहे.