सर्पदंश झाल्यामुळे शाळकरी मुलगा अत्यवस्थ…

इन्सुलीतील घटना; सावंतवाडी उपजिल्हा रुग्णालयात उपचार सुरू…

सावंतवाडी ता.२८: सर्पदंश झाल्यामुळे इन्सुली-पागावाडी येथील १४ वर्षीय शाळकरी मुलगा अत्यवस्थ झाला.ही घटना काल सायंकाळच्या सुमारास घडली.ऋत्विक राजेंद्र सावंत,असे त्या मुलाचे नाव आहे.दरम्यान त्यांच्यावर येथील उपजिल्हा रुग्णालयात उपचार सुरू आहेत.
याबाबत अधिक माहिती अशी की,संबंधित मुलगा हा आपल्या वडिलांसमवेत घराशेजारी असलेल्या जंगलात काजू बागेत जात होता.यावेळी वाटेतच त्याला सर्पदंश झाला.दरम्यान त्याला तात्काळ १०८ रुग्णवाहिकेतून उपचारासाठी येथील उपजिल्हा रुग्णालयात दाखल करण्यात आले.