भुईबावडा पंचक्रोशीत पावसाचा जोरदार तडाखा…

वैभववाडी/पंकज मोरे.ता,२९:  भुईबावडा पंचक्रोशीत बुधवारी संध्याकाळी ४ वाजण्याच्या सुमारास विजांच्या कडकडाटासह जोरदार अवकाळी पावसाने झोडपून काढले. अक्षरशः उष्णतेने हैराण झालेल्या नागरिकांना सुखद धक्का दिला आहे. या पावसामुळे आंबा, काजू बागायतींचे मोठे नुकसान होण्याची शक्यता आहे.
तालुक्यात गेल्या पंधरा दिवसापासून उष्णतेमध्ये कमालीची वाढ झाली होती. बुधवारी सकाळपासूनच दिवसभर सर्वत्र ढगाळ वातावरण होते. संध्याकाळी ४ वाजण्याच्या सुमारास विजांच्या कडकडाटासह पावसाने जोरदार बॕटींग केली. गेल्या काही दिवसापासून उष्णतेने हैराण झालेल्या नागरिकांना सुखद धक्का दिला आहे. तर आंबा, काजू उत्पादनावर या अवकाळी पावसाने मोठा परिणाम होणार आहे.