अत्यावश्यक सेवा देणाऱ्या वाहनांना निर्जंतुकीकरण करूनचं सिंधुदुर्गात प्रवेश द्यावा….

पुंडलिक दळवींचे जिल्हाधिकारऱ्यांना निवेदन; रेड झोन मधून येणाऱ्यांवर सुद्धा निर्बंध घाला…

सावंतवाडी ता.३०: सिंधुदुर्ग जिल्ह्याची ग्रीन झोनकडे वाटचाल सुरू असतानाच पुन्हा एकदा काल कोरोनाचा रुग्ण आढळून आल्यामुळे आपल्याला ऑरेंज झोन मध्येच राहावे लागणार आहे.त्यामुळे यापुढे रेड झोन मधून याठिकाणी येणाऱ्यावर निर्बंध घालण्यात यावे,तसेच अत्यावश्यक सेवांची वाहतूक करणाऱ्या वाहनांना सुद्धा निर्जंतुकीकरण करूनच जिल्ह्यात प्रवेश द्यावा,अशी मागणी राष्ट्रवादी काँग्रेस उद्योग व व्यापारचे जिल्हाध्यक्ष पुंडलिक दळवी यांनी जिल्हाधिकारी के.मंजूलक्ष्मी यांच्याकडे केली आहे.याबाबत त्यांनी आज निवेदन दिले.