परबवाडा ग्रामपंचायतीच्या वतीने आरोग्य केंद्राला “इन्फ्रारेड थर्मामिटर” भेट…

वेंगुर्ले : प्रतिनिधी 
वेंगुर्ला तालुक्यातील परबवाडा ग्रामपंचायतने कार्य क्षेत्रातील आरोग्य कर्मचाऱ्यांना डिजिटल थर्मामीटर मशीन प्रदान केल्या आहेत. कोरोना विषाणू संसर्ग रोखण्याच्या पार्श्वभूमीवर परबवाडा ग्रामपंचायत वेळोवेळी दखल घेऊन उपाययोजना राबवित आहे.
गावात शासन नियमांचे काटेकोर पालन केले जातं आहे. याचाच एक भाग म्हणून उपकेंद्र परबवाडा यांना इन्फ्रारेड थर्मामीटर मशीन उपलबद्ध केले आहे. आरोग्यसेविका, आशा, अंगणवाडी सेविका आपला जीव धोक्यात ठेवून गावामध्ये कार्यरत आहेत. यावर उपाययोजना म्हणून सरपंच पपू परब यांच्या हस्ते हे उपकरण आरोग्यसेविका सौ आंबेरकर याना देण्यात आले. यावेळी तलाठी सौ नीलम सावंत, उपसरपंच संजय मळगावकर, ग्रामपंचायत सदस्य हेमंत गावडे, संतोष सावंत, कृतिका साटेलकर, अर्चना परब, ग्लानेस फर्नांडिस, सखी पवार, ग्रामसेवक दशराथ बोडेकर, पोलिस पाटील विजय नार्वेकर, तंटामुक्ती अध्यक्ष सुनील परब उपस्थित होते. या मशीन मुळे आरोग्य कर्मचारी यांना गावांत आरोग्य तपासणी करणे सुलभ होणार आहे. कोरोना संक्रमण च्या खबरदारी म्हणून परबावडा ग्रामपंचायत सर्वांच्या सहकार्याने विविध उपाययोजना करत आहे.