कणकवली शहरात दोन ठिकाणी कंटेन्मेंट झोन

कणकवली, ता.२५: कणकवली शहरातील बाजारपेठ आणि सिद्धार्थनगर येथे दोन ठिकाणी ५० मिटरचे कंटेन्मेंट झोन प्रांताधिकार्‍यांनी जाहीर केले. बाजारपेठेत शिवसेना नेते संदेश पारकर आणि सिद्धार्थनगर येथे सुहास तानाजी जाधव यांच्या घरापासून ५० मिटर अंतरापर्यंत हे झोन असणार आहेत.
चतुर्थी सणाच्या पार्श्‍वभूमीवर शहरात कुठेच कंटेन्मेंट झोन असू नयेत यासाठी नगराध्यक्ष आणि नगरसेवक आग्रही होते. मात्र जिल्हा प्रशासन जो निर्णय घेईल तो मान्य असेल अशी भूमिकाही नगराध्यक्षांनी घेतली होती. प्रांताधिकार्‍यांनी बाजारपेठ आणि सिद्धार्थनगर येथे कंटेन्मेंट झोन जाहीर केले. त्यानुसार या दोन्ही ठिकाणचा भाग सील करण्यात आला आहे.