माणगाव-बेनवाडी येथे वृद्धाची गळफास लावून आत्महत्या…

कुडाळ ता.२६: माणगाव-बेनवाडी येथील सेवानिवृत्त वायरमन लाडोबा तुकाराम रेमुळकर (७५) यांनी आपल्या घराशेजारील झाडाला गळफास लावून आत्महत्या केली.ही घटना काल सायंकाळच्या सुमारास घडली.याबाबत पोलिस ठाण्यात आकस्मिक मृत्यूची नोंद करण्यात आली आहे.
याबाबत अधिक माहिती अशी की,मृत रेमुळकर हे काल सायंकाळी घरा शेजारील झाडावर गळफास लावलेल्या अवस्थेत आढळून आले.त्यानंतर याबाबतची खबर पोलिसांना देण्यात आली.दरम्यान पोलिसांनी तात्काळ घटनास्थळी धाव घेत पंचनामा केला .यावेळी मानसिक संतुलन बिघडल्याने त्यांनी आत्महत्या केली असावी,असा प्राथमिक संशय व्यक्त करण्यात आला आहे.त्यांच्या पश्चात पत्नी,एक मुलगा,सून,तीन मुली,जावई व नातवंडे, असा परिवार आहे.