सिंधुदुर्गात १ ते ४ ऑगस्ट या काळात मुसळधार पाऊस पडण्याची शक्यता…

मच्छिमारांनी समुद्रात जाऊ नये; सहाय्यक मत्स्य आयुक्तांच्या सूचना…

मालवण, ता. ३१: जिल्ह्यात १ ते ४ ऑगस्ट या काळात मुसळधार पाऊस पडण्याची शक्यता असून समुद्र खवळलेला राहणार आहे. त्यामुळे मच्छीमारांनी या काळात समुद्रात जाऊ नये, अशी सूचना सहाय्यक मत्स्य आयुक्तांकडून करण्यात आली आहे. याबाबत त्यांनी प्रसिद्धीपत्रक दिले आहे. त्यात असे म्हटले आहे, की या काळात ताशी ४० ते ५० तास वेगाने वारे वाहणार असून तसा हवामान खात्याकडून इशारा देण्यात आला आहे. त्यामुळे सुरक्षितता लक्षात घेता कोणीही मच्छीमारांनी समुद्रात जावू नये.