कारागृह अधीक्षक योगेश पाटील याला उद्या न्यायालयात हजर करणार…

सावंतवाडी ता.०३:कारागृहातील कैदी राजेश गावकर याच्या मृत्यूस कारणीभूत ठरल्या प्रकरणी गुन्हा दाखल करण्यात आलेला कारागृहांचा तत्कालीन जेलर योगेश पाटील याला आज जिल्हयात आणण्यात आले.दरम्यान आज त्याची कोवीड चाचणी करून उद्या त्याला जिल्हा न्यायालयात हजर करण्यात येणार असल्याचे पोलिसांकडून सांगण्यात आले.
गेले काही दिवस पसार असलेल्या पाटील याच्यासह त्याच्या सहका-याला मुंबई उच्च न्यायालयाने जामीन नाकारल्यानंतर नागपूर येथून सिंधुदुर्ग जिल्हा पोलीसांच्या टीम कडून अटक करण्यात आली होती.दरम्यान आज सकाळी त्याला जिल्ह्यात आणण्यात आले.मात्र आज दुपारी त्याची ओरोस येथे शासकीय रुग्णालयात कोविड टेस्ट करण्यात आली आहे.रात्री उशिरा त्याच्यावर अटकेची कारवाई करण्यात येणार असून उद्या त्याला न्यायालयात हजर करण्यात येणार आहे,असे पोलिसांकडून सांगण्यात आले.