कोकणात आभाळ फाटले; मांडुकलीत पाणी भरले..

गगनबावडा कोल्हापूर मार्ग ठप्प; पश्चिम महाराष्ट्रासह कोकणात पावसाचा जोर कायम..

वैभववाडी/पंकज मोरे,ता.०५: कोकणात गेल्या तीन दिवसापासून पावसाने अक्षरशः थैमान घातले आहे. नदी नाल्यांना महापूर आल्याने पूरस्थितीजन्य परिस्थिती निर्माण झाली आहे. मंगळवारी मध्यरात्रीपासूनच पावसाने जोरदार मुसंडी मारल्याने गगनबावडा कोल्हापूर राष्ट्रीय महामार्गावर मांडुकली दरम्यान रस्त्यावर पाणी आल्याने हा मार्ग ठप्प झाला आहे.
गेल्या तीन दिवसापासून कोकणासह पश्चिम महाराष्ट्रात धो-धो पाऊस कोसळत आहे. पावसाचा जोर कायम असल्यामुळे गगनबावाडादरम्यान मांडुकली, किरवे, लोंघे येथे बुधवारी पहाटेपासून रस्त्यावर पुराचे पाणी आले आहे. कोरोनाच्या पार्श्वभूमीवर जिल्हा बंदी असल्याने वाहतूक ठप्प आहे. तर भुईबावडा व करुळ या दोन्ही घाटमार्गात किरकोळ पडझड सुरू आहे.