“त्या” महसूल कर्मचाऱ्यांच्या संपर्कात आलेले ५० जण निगेटिव्ह…

रॅपीड टेस्टनंतर उघड; सर्वांनी टाकला सुटकेचा निःश्वास…

मालवण,ता.०६: कोरोना पॉझिटिव्ह आढळून आलेल्या “त्या” महसूल कर्मचाऱ्याच्या संपर्कात आलेल्या तब्बल ५० जणांची आज रॅपिड टेस्ट घेण्यात आली. मात्र सुदैवाने सर्वांची चाचणी निगेटिव्ह आली आहे. त्यामुळे सर्वांनी सुटकेचा निःश्वास टाकला. संपर्कात आलेल्या व्यक्ती महसूलच्या कर्मचाऱ्यांसह पोलीस पत्रकार तसेच नागरिकांचा समावेश होता. आज सकाळी मालवण शहरातील दोघेजण कोरोना पॉझिटिव्ह आढळून आले होते. रॅपिड टेस्टनंतर हा सर्व प्रकार पुढे आला होता. संपर्कात आलेल्या पहिल्या ५० जणांची चाचणी निगेटीव्ह आल्यामुळे सर्वांनी सुटकेचा निःश्वास टाकला आहे.