सावंतवाडी तालुक्यातील मनसेच्या पदाधिकाऱ्यांची १२ ऑक्टोबरला बैठक…

सावंतवाडी ता.१०:मनसेच्या तालुका पदाधिकाऱ्यांची बैठक १२ ऑक्टोंबरला आयोजित करण्यात आली आहे.माजगाव येथील सिद्धिविनायक सभागृहात सकाळी ११:०० वाजता ही बैठक होणार आहे.याबाबतची माहिती तालुकाध्यक्ष गुरुदास गवंडे व सचिव विठ्ठल गावडे यांनी दिली.
यावेळी माजी आमदार तथा महाराष्ट्र राज्य सरचिटणीस परशुराम उपरकर,जिल्हाध्यक्ष धीरज परब,उपजिल्हाध्यक्ष दत्ताराम गावकर,जिल्हा सचिव बाळा पावसकर आदी मार्गदर्शन करणार आहेत.तरी तालुक्यातील आजी-माजी तालुकाध्यक्ष मुंबईतील संपर्कअध्यक्ष, सहसंपर्कअध्यक्ष, उपतालुकाअध्यक्ष,विभागअध्यक्ष, उपविभागअध्यक्ष,शाखाअध्यक्ष उपशाखाअध्यक्ष, शहरातील शहराध्यक्ष, उपशहरअध्यक्ष, विद्यार्थी सेना पदाधिकारी, महिला पदाधिकारी तसेच इतर सेलचे सर्व पदाधिकारी आजी-माजी व महाराष्ट्र सैनिक यांनी वेळेत उपस्थित राहावे,असे आवाहन करण्यात आले आहे.