राज्याच्या मुख्य सचिवांची आमदार दीपक केसरकरांनी घेतली भेट…

सावंतवाडी,ता.०४: राज्याचे मुख्य सचिव मनुकुमार श्रीवास्तव यांची आज आमदार दीपक केसरकर यांनी भेट घेतली. यावेळी त्यांना सिंधुदुर्गजिल्हावासीयांच्यावतीने शुभेच्छा दिल्या. दोन दिवसापूर्वी मुख्य सचिव म्हणून श्रीवास्तव यांनी आपला कारभार सांभाळला आहे. याबाबतची माहिती मिळताच श्री. केसरकर यांनी भेट दिली. त्यावेळी कोकणात सिंधुदुर्ग जिल्ह्यातील विविध विकास कामांना आवश्यक असलेले सहकार्य आपल्याला मिळवून द्यावे, असे यावेळी केसरकर यांनी सांगितले.