बांदा,ता.१४: मनसे अध्यक्ष राज ठाकरे यांचा वाढदिवस तालुक्यातील पदाधिकाऱ्यांनी विविध उपक्रम राबवून साजरा केला. यावेळी डोबाशेळ येथील फ्रान्सिस स्कॅन मिशनरीज ऑफ द क्रिस्त द किंग या अपंग, मुकबधीर महिला वस्तीगृहातील मुलांच्या उपस्थितीत केक कापण्यात आला. महाराष्ट्र नवनिर्माण सेनेचे राज्य सरचिटणीस संदीप दळवी, मनसे कामगार सेनेचे सरचिटणीस गजानन राणे व सावंतवाडी विधानसभा संपर्क अध्यक्ष महेश परब यांच्या मार्गदर्शनाखाली तालुकाध्यक्ष मिलिंद सावंत यांनी हा उपक्रम राबवला.
यावेळी वसतिगृहातील विद्यार्थ्यांना मनसेच्या वतीने नवीन कपडे, खाऊ व खेळणी वाटप करण्यात आली. यावेळी संस्थेच्या ब्रिजट वार्घेस, ॲटोनीती लोपस, पेन्डि्टा वाझ, व इतर कर्मचारी उपस्थित होते. तसेच निगुडे व इन्सुली येथील अंगणवाडीतील लहान मुलांना खाऊ वाटप करण्यात आले. यावेळी निगुडे अंगणवाडी सेविका प्रियांका राणे, रंजना सावंत, नुतन निगुडकर, मदतनीस लक्ष्मी पोखरे, विजयालक्ष्मी शिरसाठ, साक्षी गावडे, महाराष्ट्र नवनिर्माण सेनेचे उपजिल्हाध्यक्ष सुधीर राऊळ, तालुकाध्यक्ष मिलिंद सावंत, विधानसभा सचिव गुरुदास गवंडे, बांदा शहराध्यक्ष चिन्मय नाडकर्णी, मळगाव पंचायत समिती विभाग अध्यक्ष राकेश परब, इन्सुली शाखा अध्यक्ष दिनेश मुळीक तसेच शतायु जांभळे, साहिल तळकटकर, विशाल राऊळ, विजय बांदेकर, दिनेश शेर्लेकर तसेच पदाधिकारी व कार्यकर्ते मोठ्या संख्येने उपस्थित होते.
